木村光希來咗香港兩日，今日就正式登場，以代言人身份出席品牌活動。化咗紅唇look的光希，青春無敵！一出場就閃爆，由於她的經理人事前已聲明齋影相唔會有訪問，店内亦不能拍照，但光希在台上禮貌地同傳媒問好！佢話：「第一次來香港，香港係好美麗嘅城市，我有去了些地方參觀⋯⋯」當然再一輪多謝品牌邀請之類的官方說話，唔夠三十秒，完！
不過，要知光希在香港搞乜做乜？就要多謝佢媽媽工藤靜香喇！點解？因為佢貼身陪住女兒外，仲貼身拍下女兒行程，仲上埋ig嘅即時動態，所以大家就知光希今天去咗街邊小店買雞蛋仔，然後下午返酒店化妝，準備去中環⋯⋯貼身報告！
而徐濠縈、黃偉文，何超蓮等人就着得靚靚出席今晚嘅派對。