TVB互動音樂Game Show《唱錢》昨晚（14日）播出的第八集，誕生最強「唱錢素人」！現年40歲、曾參加《英皇新秀》選拔的Mani，成功挑戰Monster歌曲《一枝花》、打爆九格Sing盤，成為首位勇奪十萬港元現金奬的挑戰者！
本身目標是不挑戰Monster、只贏走一萬港元現金獎便心滿意足的Mani，由於頭8首歌曲共有6首歌曲綜合成績超過90%（是節目開播以來最好成績），而且愈戰愈勇，去到Level 8兼遇着自己原本信心不是太大的歌曲《相信一切是最好的安排》，但Mani最終仍成功斬獲93.7%綜合成績，音準高達97.3%；在極好成績前提下，加上仔仔一句：「你都係盡自己能力唱埋落去啦」，幾經掙扎的Mani終鼓起勇氣向Monster歌曲及十萬港元現金獎挑戰，結果開中音域差距大，兼高音位極多極長氣的Monster歌曲《一枝花》。
面對被形容為「一音錯、滿盤皆落索」的《一枝花》，Mani依然沉着應戰，結果成功戰勝一連串密集式歌詞及高音位，以95.5%綜合成績贏走十萬港元現金獎，亦唱得悅耳，令全場陷入一片狂喜之中。神情勁激動的Mani，亦坦言自己好想喊。音樂總監Eric Kwok對Mani的高水準演出亦甘拜下風：「唱到有啲似彭羚」、「你好嘢，真係你好嘢！」森美問到Mani最終為何鼓起勇氣挑戰，Mani坦言是因為不甘心及好奇心：「唔甘心咯，想睇埋Monster咩歌。」
Mani的超凡實力及勇氣，令她成功一夜爆紅，贏盡民心！除了《唱錢》Chatroom「民」情洶湧，熱度闖新高衝破60萬外，昨晚網民在Threads及無綫官方社交網更是洗版式留言正評：「Monster Mother Mani」、「呢首歌好難唱的」、「屈機」、「唱到仲要好聽，好勁」、「可以原地出道」、「嚟玩吓都贏到十萬，呢位媽媽Respect」、「呢集睇到好緊張，因為佢唱得好好聽，唔想佢輸」、「佢年輕時應該係考試高手」、「高手在民間」、「聲底靚」、「我追字幕都覺得有啲難（指《一枝花》），佢仲要唱得咁穩」、「超勁，睇啲音節一路去都感覺好難」、「啲高音全部Hit到，連唱咁多首拍子都咁準，真係一啲都唔簡單。」
Mani事後接受製作組訪問時，坦言事前完全沒有想過可以贏走十萬港元現金獎：「我係諗住嚟玩吓，攞幾千就幾千，攞唔到就算，叫Enjoy過舞台。但見到自己一關一關咁過咗，覺得去到呢個stage唔唱又覺得唔甘心。呢個節目係令到我嘅信心大咗好多，得到呢個認證後我都好希望可以喺呢方面有發展，我會繼續追夢。我以前覺得你一把年紀（追夢）啲人就會笑你：『點解依家先嚟追夢』，但我（依家）又覺得追夢應該無分年齡架嘛。」而昨晚一集播畢後，Mani亦在個人社交網留言感謝《唱錢》台前幕後，給予機會打贏怪獸monster，「超級感激Eric sir，森美大哥，Desta同埋所有節目組的監製及工作人員，你哋真係好好好，超級nice，好努力咁令我放鬆，比咗好多鼓勵我呢個無鬼用嘅師奶。」
現年40歲的馬敏莉（Mani）任職文職工作八年，育有兩子。自小懷抱明星夢，學生時期已有參加學校歌唱比賽的她，多年前曾參加《英皇新秀》選拔但未能入圍。她從小熱愛研究唱歌技巧，雖無師承，卻憑著反覆鑽研同一首歌苦練出「完美音準」，對抒情歌曲尤其鍾情。
Mani婚後專注家庭，但對音樂熱情從未減退。兩個同樣熱愛音樂的兒子，不時鼓勵Mani挑戰《中年好聲音》，並深信媽媽能駕馭任何歌曲。搞笑的是，Mani這次立定決心參加《唱錢》，其中一個原因竟是為了一圓「被TVB化一次妝」的小心願，相當Funny。
Mani演唱歌單如下：
Level 1 《信者得愛》、Level 2《Show You》、Level 3《後來》、Level 4《紅豆》、Leve5《雨愛》、Level 6《女神》、Level 7《失戀無罪》、Level 8《相信一切是最好的安排》及Monster Level《一枝花》。
