佘詩曼與譚耀文、陳煒、周嘉洛等主演的《正義女神》將於下周一（16日）率先在優酷開播，並預計30日晚在翡翠台首播。官方連日出預告片，及一眾主要角色的造型照，阿佘首次飾演法官，終於實現出演律政劇夢想外，最令人動容是阿佘與契爺許紹雄再度同台飆戲，亦是許紹雄的遺作。
雖然阿佘咁忙，但她仍抽空請陳山聰囝囝Jaco去食Pizza又送玩具，Jaco仔開心到暈，即場跳返Part自學Kpop舞氹靚女契媽開心。阿佘今日（13日）在社交網曬照留言：「同細路仔講嘢，真係唔可以《求其噏當秘笈》😓話說有一日喺電話應承咗呢粒豆丁 @jaco_chan_aj 話會同佢去食pizza，我呢個契媽日理萬機，梗係唔記得咗啦……點知佢主動問老豆（竇）：『靚女契媽又話同我去食pizza嘅？』老豆（竇） @joelshanchung 即刻反映，契媽亦不敢怠慢，馬上行動！為咗贏取佢嘅歡心，買咗佢近期最想要嘅玩具，博取童顏一笑～大成功✌」。
