羅蘭姐自從去年低調離開無綫後，在上月出席演藝人協會舉辦的春茗時，自揭雙腳麻麻哋，有時會痛，要用拐杖行路，每天都會做吓運動半個鐘，同吓朋友傾偈過日辰。
今天網紅貓店長虎爺「唔生」的社交網上有帖文，原來羅蘭姐去了探有貓界朝偉稱號嘅虎爺，一身白衣的羅蘭姐精神奕奕，而一向唔準人掂的虎爺「唔生」仲好識做俾羅蘭姐摸頭你，奴才更替虎爺寫了帖文：「羅蘭姐同唔生世紀合照呀😍好耐唔見羅蘭姐啦 今日面色勁好勁靚女！
唔生又怕醜仔唔敢望🫣😂能夠得到羅蘭姐加持🫳🏻 🐯唔生真係太幸福啦😊
最後要祝羅蘭姐健健康康 長命百歲 生活愉快😊」
一眾虎爺粉絲見到帖文大讚，更說「連羅蘭姐都識唔生，唔生堅受歡迎」、「唔生好福氣！」、「連羅蘭姐都識唔生，唔生堅受歡迎」及「好威威喎，龍婆原來鍾意貓貓㗎」。