《全民造星VI》正在熱播，今屆再度以全男班作賽，同時花姐（黃慧君）亦回歸監製之位，再次成功惹起話題。
每一屆《造星》決賽，ViuTV都邀請重量級評判，更曾經邀得大美人李嘉欣出山，而今屆《造星VI》總決賽將移師澳門現場直播，與無綫的《萬千星輝頒獎典禮2025》同日正面交鋒。據知，今屆坐鎮的五位星級評審，當中包括梁詠琪（Gigi）和一位韓國女團成員，港韓兩大女神聯手，夠晒吸引力。
過往《全民造星》總決賽，ViuTV都會邀請重量級評判，例如第一屆的周慧敏、第二屆的霍汶希、第三屆的毛舜筠和鄧麗欣、第四屆的李嘉欣，以及第五屆的謝安琪。
要邀得女神級巨星，又有公信力的星級評判，ViuTV早已敲定人選力邀梁詠琪，但多年來Gigi都甚少在選秀綜藝騷亮相，ViuTV今次落足誠意打動，終於成功邀她現身，更將聯同一位女韓團成員，雖然這位韓星仍未曝光，但已在粉絲羣組中傳出消息，是一代女團成員，今屆《造星》決賽有兩位港韓女神坐鎮，定必掀起話題。
決賽同日1月4日，亦是無綫的《萬千星輝頒獎典禮2025》大日子，明年兩大騷都同樣移師澳門舉行，無綫於澳門上葡京綜合度假村，而《造星VI》則在澳門新濠影滙，兩大台都急謀對策，迎戰這場已多年沒有上演的收視大戰。
本刊早前率先披露，花姐欽點《造星VI》組7人新男團，為MIRROR滿約鋪路，據知7人名單已成團，包括Dave、Bosco Kwan、Ian hannz、Gordon、三金、牛牛和Marcus，不過正進入第四回合小組對決的《造星VI》，本周二（2日）播出的一集，A5組竟然以猜「包剪揼」決定去留，除了Homing被淘汰，更令到大熱門獲評判大讚的21號牛牛冇得留低，雖然據知他已是7人男團名單內，但由於進入15強的參賽者，才可以有機會到韓國特訓，因為猜「包剪揼」令牛牛失去到韓國training的機會，不少觀眾都戥佢唔抵。
