《臥底嬌娃》昨晚（4日）播出的一集，劇情講述沈佳琪（張曦雯Kelly飾）、江妙姿（陳瀅飾）、童小茹（羅毓儀Yuki飾）在寶儀（鍾柔美Yumi飾）家中睡衣派對，目的是夾計趕走劉彪（關禮傑飾）及卡邦妮（邵美琪飾）的保鑣（程浩駿飾）。焦點場口是Kelly、陳瀅、Yumi及Yuki經抽簽後，分別穿上成熟風、動物系、碎花少女系及單色少女系睡衣。之後，陳瀅借攞嘢飲為名，由「動物系」搖身一變成「碎花少女系」，配以飄逸的秀髮及誘惑力十足的回眸甜笑，成功色誘程浩駿偷拍美腿照。
陳瀅除了與Kelly成為「魅力擔當」，她還是劇中的「女力士擔當」，繼舉起Yuki兼孭住Yumi上樓後，昨晚再成功的起程浩駿過肩摔落地，雖然鏡頭是經過剪接，但仍感受到陳瀅的大力程度。陳瀅坦言有難度兼NG不斷：「可能因為平時做開gym，所以我下身都夠力舉起佢哋。程浩駿嗰個真係比較難，因為佢真係比較大隻，同埋我直情要一隻手翻佢過肩，所以拍咗好多個take都唔係好成功。」
更多圖輯：
