為了紀念盧凱彤（Ellen），一班好友除了為她舉行音樂會後，同時籌備紀念展覽。《Come What May盧凱彤紀念展覽》今日（26日）揭幕，展期由8月26日至9月1日假藝術中心包氏畫廊舉辦。當中展出了Ellen的結他、畫作、照片以及日記等，場上亦有播放她的工作和生活片段。
揭幕禮上，Ellen的父母、哥哥、劉天蘭、恩師黃耀明、at17拍檔林二汶，以及岑寧兒、唐詩詠和梁文禮等都有出席，而Ellen最疼愛的貓咪蘇菲亦被送到場館。
二汶表示展覽中有一首at17最後一首未完成的歌《second》，「場內有得聽我哋最後一齊創作嘅歌，希望大家睇完展覽聽完佢嘅作品，更加了解盧凱彤呢位藝術家。縱使心情仍然哀悲，希望大家有個美麗嘅回憶。」她同時寄語at17歌迷要學Ellen一樣，帶着愛繼續生活下去，令世界變得更美好。問到二汶有什麼話對好拍檔說，她想了一會兒、拍拍心口。
至於明哥則稱仍非常掛念Ellen，他希望到場的歌迷、朋友，用celebrate的心情去紀念Ellen，「Ellen對身邊嘅人同事都好有愛、佢嘅勇氣、對所有事嘅好奇都好值得去celebrate，當然仲有佢嘅音樂。世界咁壞，好需要音樂去治療，而Ellen嘅音樂一直都有治療效果。」
