王敏奕今日（29日）以低胸長裙裝出席時裝活動，早前她憑《新聞女王2》奪最佳女配，同時老爺曾志偉宣布辭任TVB總經理一職，敏奕表示暫時仍未聞對方新動向：「我都冇獨家消息，臨近新年，希望可以大家放個假先啦，有啲咩都新年後再繼續過一個新嘅一年，好嘅一年再出發啦。」敏奕透露工作未受老爺卸任而減少，對即將展開的新項目充滿期待：「其實都好好彩嘅，即係有啲好好嘅機會啦，嚟緊都會有新嘅project，都覺得係好有興趣嘅，好期待可以快啲同大家見面。」
提到她為好友糖妹（黃山怡）「打針」雪卵，敏奕表示緊張到手震：「我聽佢講好多年㗎啦，我覺得佢有呢個諗法想去做呢件事，我一直都好支持佢。雖然我個人冇辦法陪佢飛去台灣進行呢件事，我都好慶幸佢有一part係返香港要support嘅，佢都係俾一個機會我去參與。」不過她坦言好驚打針：「我打都手震㗎，啲針原來咁長㗎，都驚啊，唔係嗰啲短嘅針。」被問及是否有考慮凍卵時，她自稱：「暫時未有需要。」
