林盛斌花$80外賣賀結婚周年　 Bob嫂爆18年來欠一事未圓夢

Bob又曬命娶了個好老婆。

林盛斌（Bob）與太太黃乙頤2007年結婚，婚後育有3女1子。昨日是Bob與太太結婚18周年紀念日（綠松石婚），Bob今日（10日）在社交網貼上與老婆在家捧住兩袋外賣食物，留言：「尋日喺檳城返嚟香港，落機之後又去咗做嘢，深夜趕得切12點前買兩盒煎釀三寶加隻炸雞髀，去慶祝我哋結婚18周年，係咪好浪漫呢？喂，都大嗱嗱買咗成$80㗎！可能比（俾）着第二個，應該都係黑晒面㗎啦，但係，佢冇，仲食得好開心。娶老婆，就係要搵呢啲。」

+4

Bob嫂亦有在社交網曬同一張照片，多謝老公之餘，還爆出結婚18年以來，Bob仍欠她一件事情未做到。Bob嫂留言：「又一年周年，多謝你記得！趕得切返嚟慶祝！識得感恩，就乜嘢都值得感恩，有得食好過冇得食😂18周年快樂！又，究竟幾時影返結婚相呢？😅」。