鄭裕玲（Do姐）近日與農夫出埠拍攝新節目《Do姐晚間看地球》，自問不諳影靚相嘅Do姐，就專程向「攝影大師」陸永請教。
Do姐留言：「《Do姐晚間看地球》會去幾個國家拍攝，我想影多D靚相同大家分享，但因本人攝影技術有限，好彩同行有學過攝影的陸永，我請求陸大師指點，陸大師也悉心教導，循循善誘。」
不過，未知陸永去到外地係咪有時差問題，導致作品大失水準。見佢於倫敦橋下影嘅相片，Do姐成個人竟然out晒Focus！令Do姐都忍唔住諷刺話：「最後那張照片便是陸大師的作品。原來我呢世人都唔識影相！Focus 是要放在後面的，這樣相中人才有朦朧美！此種攝影方式相當難掌握，本人正在努力學習中！在此多謝陸大師賜教！」
圖片來源：鄭裕玲@Instagram