由炎明熹（Gigi）歌唱老師高晨維所創辦的星格流行音樂學院，與海洋公園合作的大型原創音樂劇《深海鰭遇》，昨晚（1日）於海洋公園舉行第一場演出。臨近尾聲，高晨維在台上與觀眾分享並播出6年前Gigi與T.MAX海淦清參與舞台劇的青澀演出片段，Gigi在台下十分回味及感觸。Gigi分享感受：「首先我想講嘅第一句就係好唔簡單，因為我知呢個舞台劇係花咗好多心思，同籌備咗好耐。同時亦都知喺生活上有好多嘢忙，忙返工返學，忙自己嘢等等。但大家都嚟呢個舞台劇去追尋呢個夢想，一齊參加呢場嘅盛宴，望到頭先嘅畫面令我覺得好青春嘅感覺，令我非常難忘，同埋係好有火。」
Gigi亦勉勵一眾師弟妹，「雖然嗰時唔知自己喺度搞緊啲乜嘢，但係呢一份嘅尷尬亦都係一個好美好嘅回憶，所以都好希望今次嘅舞台劇會成為大家珍貴嘅回憶，同時希望大家都可以為自己嘅努力奮鬥，無論大家想做乜嘢都好，一定會好起來的，同埋大家一定可以做到，我深信。」最後，高晨維大讚Gigi六年後經歷不少，但仍然不忘初心，由始至終都沒有變過，Gigi亦都一時感觸得眼濕濕，不時用手拭淚。
