Jaco仔為定欣姨姨加油嗌得超肉緊。
陳山聰囝囝陳霆軒（Jaco），自7個月大時見到胡定欣露出一臉驚恐後，原本活潑可愛的Jaco，每次跟定欣合照都黑臉，十分搞笑。
早前確診新冠肺炎的山聰，在隔離康復後返家，就獲囝囝高歌慶賀，原來他除了在社交網上載囝囝唱歌片段，留言：「大佬冇見成個禮拜、你練得一首好歌喎」外，還有一條片送給胡定欣。
Jaco仔每次見到定欣都黑臉。
定欣今日在社交網上載Jaco在爸爸教路之下，透過咪高峰給定欣加油，Jaco聲嘶力竭，非常肉緊大叫：「Auntie Nann（胡定欣）加油！」定欣亦留言：「以下片段足以證明Jaco同我的距離趆（愈）來趆（愈）近，又邁進一大步！係呀，好大步架（㗎）啦！多謝Jaco為Auntie Nann大大力加油！啱啦！你開定聲，練定幾首歌，同Uncle Auntie一齊去登台啦！Btw…你阿爸阿媽俾呢支（枝）咪你真係唔會後悔？！」
陳山聰夫婦真係不後悔將咪給囝囝？
