「慧妍雅集」會長朱凱婷，今日（4日）與張夢夏、唐麗球、戚黛黛、黃嘉雯、王君馨、梁麗翹、鍾子綸、林麗薇、李惠欣、陳熙蕊、王殷廷等會員出席「慧妍雅集44週年慈善籌款晚會2026」記者招待會，宣布將於3月21日在尖沙咀舉行以「Love Shine愛•閃耀」為主題的慈善晚會，朱凱婷今年已第二年擔任會長，她表示壓力減輕不少，「今年連任啦，第二屆做會長，而今年慈善晚會去到第14屆，都係希望當晚可以盡量籌更多善款，今年至少會有六十個會員出席，其實我上年第一年做都好大壓力及好擔心，但比較資深嘅前輩教我其實係冇壓力，總之做好自己事業，呢兩年我替大會揀了幫助關注精神健康，大家都一呼百應，其實整個城市嘅氣氛，希望可以喺呢方面做多啲嘢，同埋舊年發生大火災事件，我哋慧妍都即刻成立咗個慈善基金，去幫助有需要嘅人。剛剛星期六我哋都去同佢哋一些受災嘅人食盤菜啦，除咗籌款捐出嚟之外，都可以做一些心靈上嘅工作。」
除了工作同時兼顧家庭，幸好老公無投訴，「呢兩年我除了工作外，將我得閒嘅私人時間都攞埋出嚟啦。好彩屋企人無投訴，老公都好支持我，由我決定做會長開初，我好緊張及壓力大，佢不斷同我傾偈，叫我放鬆啦，唔使咁擔心，呢兩年的確忽略咗去陪佢同少咗出埠，但遲啲完成工作後都即刻陪佢飛囉。」
更多現場圖輯：
