自2024年吳文忻公開乳癌復發進入第三期以來，反反覆覆接受治療，奈何經過一年半治療之路也未有好消息，癌細胞甚至變異擴散至第四期，一月時，她在明周獨家透露最新的CT Scan報告時，肝臟部位出現約3厘米腫瘤，現在已經大到12cm。
日前她接受TVB《流行都市》訪問，說因病情反覆，令她身心俱疲，戰鬥力減弱，更一度覺得自己跟死神非常接近，說到此亦忍不住落淚。
談到如何度過那段最差的日子，她說：「我未試過情緒去到咁差，日日爆喊呀！跟住可能因為呢度（按住胸部）個狀況好差，那時又流多啲膿，好酸餿好臭呀，要日日包住佢，總之我晚晚就好似同住條屍瞓咁樣，心諗係咪真係就嚟死？真係好似好接近，因為feel到自己身體好痛，好辛苦。我就（覺得）咁唔得喎，我又係要掹返出嚟囉。」她說自己食的藥已進行了二個cycle，但似乎唔啱，現在可能到深圳繼續醫。
她又說最近朋友替她在酒店海景房搞了個在生追思會，原本以為友人會講肉麻說話：「佢哋又冇喎，我覺得佢哋似一個加油站。」
她說自己對事好豁達，甚麼都百無禁忌，就算搞在生追思會也沒所謂，反而覺得可以將死亡攞出嚟講仲好，即係代表你克服咗死亡嘅恐懼。而且完成在生追思會那晚反而瞓得好舒服，瞓醒好精神。
現在，她說會繼續盡做！
圖片截圖:TVB娛樂新聞台