豹哥單立文昨日（17日）66歲生日，昨晚陳山聰已在囝囝Jaco的社交網，分享Jaco在酒樓送花給豹哥片段，留言：「Happy birthday to Uncle @palsinn，祝你身體健康、快高長大、聰明伶俐、越嚟越好似我咁靚仔」。
豹哥今日則在社交網上載獲《愛．回家之開心速遞》在錄影廠為他慶生片段，留言：「螳螂捕蟬，黃雀在後，今年我生日唔會再任人擺佈⋯⋯你哋等緊我嗰陣，我已經喺後門入咗嚟啦！hApPyBiRtHdAy tO Me！多謝曬最有愛嘅熊家人 #人不birthday往少年 #其實靚仔都要生日嘅 #愛回家之開心得滯 #今次嘅反擊真係好成功 #單立文」。
片段中豹哥在背後偷拍大家為他慶生作準備，豹哥邊拍邊說：「每年我嘅生日我要扮到好無知，喺服裝間嗰度等佢哋喺廠，set up好佢哋為我準備嘅生日蛋糕，然後再等佢哋叫我入廠，我要扮到好驚喜咁樣，等佢哋同我唱Happy Birthday，但係今年我唔會再俾佢哋得逞㗎啦！」然後他突然現身，引起呂慧儀等人尖叫，豹哥則指向第一次跟他慶祝的姚焯菲。大夥兒雖然被他踢爆，但亦即時執生齊齊唱生日歌。獲送上5個生日蛋糕還有西餅，生日歌唱完英文唱中文，豹哥仍是感動說：「人間有愛呀！」最後當然要跟熊家人等逐一合照。
除了豹嫂胡蓓蔚、姚焯菲等人留言祝賀豹哥生日外，胡杏兒都有留言祝豹哥：「Happy bday Pal Gor」！杏兒似乎未有受今日有報道指老公李乘德被爆在酒吧攬女事件影響。
