《女神配對計劃 最後告白》兩集過去後，五位女神剩餘的限時愈來愈少、還未找上心儀求愛勇者的葉蒨文（Sophie）及羅毓儀（Yuki）自然愈來愈緊張，於今晚（10日）播出的第三集主題「倒數」中，心繫曾展望（GM）的Sophie，決心先行離開Eddie四出尋找GM，醒目的GM使出「愛的呼喚」向女神放水，突然在等候的班房大叫：「唉呀！突然間抽筋呀！」由於聲線極度頑皮兼賴皮，成功吸引Sophie注意：「好彩你嗌咋，我差啲搵唔到你呀。」
事後Sophie與製作組談及GM「愛的呼喚」時，還是忍不住一再甜笑回味：「得佢咁傻會咁嗌之嘛，仲喺度大嗌…（笑到向前傾）其實我想講我本身心情好沉重，跟住我覺得佢真係好搞笑咯，佢有令到我開心番。」雖然與GM「重逢」勁開心，但Sophie一嚟竟拿出Eddie送給自己的玉桂狗書包向GM風騷示威，期間還招積地連「哼」兩聲，令GM事後仍大感氣結，更搞笑地扮不屑向製作組重現Sophie的「勝利宣戰手勢」：「佢仲（咁樣）曬（命）俾我睇，以你認識嘅我，都知我一定有呷醋㗎喇。」
曾被Sophie批評不夠主動認真的GM，今勻使盡渾身解數表真心，花盡心思為Sophie度身訂造「三大重甜第一次」：「愛心飯盒」、「自製13浪漫金莎花束」及「閉眼驚喜」，同時亦因而獻上了自己的三個第一次，Sweet到爆，難怪Sophie聽住GM的開場白時全程只懂甜笑及傻笑。GM開場白：「今日我準備咗幾樣嘢俾你，都係關學校事，因為我知你本身讀女校，中學應該少啲同男仔互動。」
首度為女生下廚的GM、除準備了Sophie最愛的玉桂狗飯盒，還為Sophie烹煮了一道充滿二人獨有回憶的「Give me a chance蛋餅」，令Sophie笑到樂開懷。另GM準備的「閉眼驚喜」，亦令Sophie心思思，Sophie向製作組坦言有想過GM會否送上深情一吻：「我第一吓諗嘅，係佢會錫我，因為嗰啲（愛情）劇都係咁㗎嘛。」
至於被謝家豪（Cyrus）及動漫問答遊戲花掉了太多時間的Yuki，在急忙會合林俊其（Kris）途中，竟連番遇上迷路、搵錯地方、落超大雨三大嚴重事故；極驚Kris因而不夠分鐘數被淘汰的Yuki，全程除了大聲哭喊兼上演「極速日劇跑」，期間當得悉攝製隊要暫停拍攝避雨時，更一度急得原地1080度轉圈（即瘋狂自轉了三圈），並大叫：「死喇」、「點算呀？」、「依家剩番幾多分鐘？」、「我依家好驚呀」、「吓！點解會咁㗎？」、「其實我個人淆晒底」，期間更一度驚到聲都震埋！
眼見Yuki急到慌亂晒，主持林盛斌（Bob）先安撫等到勁著急的Kris，然後「埋伏」Yuki尋找Kris路上必經之處，大聲呼喊指引Yuki「尋Kris之路」；最終Yuki成功尋獲Kris，恍如隔世的二人更忍不住來個「飛奔式愛的抱抱」，Kris向製作組透露：「同佢相遇嗰刻，我就係情緒到咗，感覺好難先相遇到，唔知點解好想攬住佢。」
