佘詩曼、黃宗澤、高海寧、王敏奕、袁富華、陳曉華、鄧智堅、龔慈恩、何廣沛、蔣祖曼、吳業坤、郭柏妍與總監製鍾澍佳等昨日（15日）到商場與觀眾一齊睇《新聞女王²》兩小時大結局。佘詩曼感到不捨，對於有否信心破紀錄第4度榮登視后寶座？阿佘表示好畀心機演繹角色，投票要交由觀眾決定，她認為每個對手也是勁敵，任何一位得獎都值得。未得過視帝獎座的黃宗澤視林保怡為最大對手，他希望劇組所有人都得獎。
高海寧大讚編劇把每一個角色都塑造得十分立體及飽滿，而鍾澍佳曾提及開拍「許詩晴外傳」，高Ling認為聚焦在新聞處，可以算是《新聞女王》的支線。她希望講述多些新聞處的內容，「其實無乜劇係講新聞官，講點樣處理突發事件，所以我覺得幾有talking point。高Ling曾經憑《新聞女王》奪得「最佳女配角」獎，今屆憑《新聞女王2》入圍「女配角」10強，她最想Man姐得視后、Bosco稱帝、龔慈恩或王敏奕得「女配」。陳豪表示再成為視帝會唱歌，高Ling笑指若冧莊「女配角」就派大利市。
何廣沛、吳業坤、鄧智堅入圍「最佳男配角」十強，坤哥同時入圍「最佳電視歌曲」及「飛躍進步男藝員」獎，坤哥坦言對歌曲獎較有信心，但何廣沛較睇好他奪「飛躍」獎。坤哥表示若得到「飛躍」獎一定會喊，何廣沛即重提他當年在《勁歌金曲》頒獎禮獲「新人獎」金獎時，喊到眼鏡起霧的經典一幕，取笑他：「你喊有咩大不了？你當年都係因為喊而成名，我細細個就睇你喊。」
更多現場圖輯：
