蕭正楠與黃翠如今日（16日）夫妻檔出席「奧比斯蒙眼午餐」，他們表示曾經一起去做矯視手術，故明白護眼的重要，翠如說：「我哋兩個都經歷過做矯視手術，我本身一隻眼近視，一隻眼正常，所以有時候會懶惰眼，當時我哋兩個一齊去做矯視，點知做完兩個睇嘢都矇，兩個即刻要互相扶住去坐車，好彩我仲有一隻眼睇到，所以眼睛健康好重要。」
囝囝已經9個月大，翠如表示已有不少有趣小動作，「好多古怪有趣動作，同埋比較活躍，有時要兩個人幫佢換片同著衫，一個捉實一個著，甚至我瞓喺隔離，佢都唔當我存在，爬過我身甚至踩塊面照行，抱佢都比正常攰。」親子時間係唱歌，「老公在家唱歌時，佢都會自己單音哼住唱，不過有時佢唔開心會叫媽媽音，開心時會叫爸爸音。」站在身邊的老公蕭正楠即取笑翠如說：「居然咁細個嘅BB都知自己鍾意咩，同埋佢好識嗲爸爸。」
更多現場圖輯：
