鍾欣潼（阿嬌）昨晚（4日）出席美容活動，剛在沙特阿拉伯度假完復工的她表示，演唱會令她元氣大傷，瘦到胸都不見，更有個多月沒有來月經，她說：「演唱會期間，緊張到只屙咗兩次，而家就屙到，但個多月都冇嚟（女性周期），而家睇中醫調理身體。」問到是否有喜，她說：「唔係啦，中醫把脈冇話我有喜，醫師話我太緊張，熱氣上火要排毒。」
有傳阿嬌與其同性緋聞密友皇甫聖華同遊沙特阿拉伯？阿嬌說：「很多人一齊去，其他唔回應啦，講咗好多次。」她透露原本打算到美國大峽谷，但當地太多旅客難以打卡，才轉往沙特阿拉伯。她又指此行入住幾間酒店，其中一間非常特別，用滑翔機入住，但她狂呻消費好貴，「食物貴到嚇死我，最後嗰間酒店最貴，得幾間房，有個管家跟，一餐要5、6千人民幣，埋單花咗幾萬人民幣。」雖然環境優美又舒服，但她表示不會再去，「去過就算，咁遠，坐9小時機程再坐4小時車，但都值得，主要去養生。」
