《聲秀》準決賽將在本周日（19日）及下周日晚播出，9位學員將在第一個回合面對的挑戰主題為「突破回合」，必須跳出Comfort Zone、選擇自己平時較少呈現的風格或演繹方式演出，第一回合最高分學員可跳過第二回合直接晉級決賽；其餘8位學員則要進行第二回合的「必殺歌」一對一Battle。
兩個回合結束後，將有4位學員落入危險區；之後5位評審、製作組特邀的KOL及DJ評審團將投票選出心水學員，最終得票最低分的1位學員將被淘汰，換言之決賽8強將於下周日節目正式誕生。
今集陳潔靈Miss Chan Chan加入評審戰隊，為了做好「評審」這個位置，Miss Chan Chan做足功課；為了更加清晰掌握每位學員的進步，Miss Chan Chan自揭：「人哋煲劇，我煲《聲秀》」，足證相當有心。
今集演唱歌單如下：甄敏芳Jenny《空港》、蕭凱恩Michelle《粉紅色的一生》、胡子貝Matt《老派約會之必要》、周智敏Emily《烈女》；林潔心Bibi《等一個他》、穎喬 Ziva《驗傷》、馮熙燮Ryan《伸縮自如的愛》、柯雨霏 Ophelia《沙門》、布子殷（布子）《潛龍勿用》。
今集搶焦位落在三大「黑馬小花」—甄敏芳Jenny、周智敏Emily、林潔心Bibi，三人齊齊破格大玩蛻變。先說「顏值擔當」Jenny演繹《空港》，一身成熟造型以高踭鞋配黑絲短襪大晒長腿、修長比例Fit到爆登場。
胡鴻鈞組的周智敏Emily就一身歌德風格造型，以紅色長髮配透視喱士裙登場，向來予人感覺「乖乖女」的她，竟出乎意料玩「自摸」兼大跳性感椅子舞，期間舉手投足及眼神均散發著誘人魅力。事後導師胡鴻鈞被爆排練時曾親身向Emily示範如何擺性感甫，並遭起哄即場再示範一次；面對洶湧群情，Hubert豪言：「如果Emily個分高過我預期嘅話就示範。」豈料結果Emily所得分數真的超越Hubert預期，結果在全場歡呼聲下，Hubert「找數」大玩「極速性感自摸，場面爆笑。
Emily的性感演繹，亦獲得評審們高度評價。雷有輝：「呢個真係好大突破啦，勢估唔到Emily可以咁sexy，好有《本能》Sharon Stone嘅感覺」、Miss Chan Chan：「你再大個女啲，你個女人味會再出啲。」周錫漢：「絕對係Good try。」
至於劉浩龍組的林潔心Bibi，則首次挑戰跳唱《等一個他》，甜美活力全開；為跳出Comfort Zone，劉浩龍指Bibi排練頻密程度直達瘋狂：「你喺21歲做咗一件好瘋狂嘅事，佢呢十日係冇娛樂過，日日自己一個人匿喺排舞室十個鐘，一個唐三藏咁搭地鐵買飯都拎住支Mic Stand…成日夜晚Message喊晒話唔知做緊啲乜，跟住我個答案都只不過係：『係咁㗎啦』。所以你無論咩分數，你喺我心目中都係100分；你攞呢個態度、以後無論做乜，都會比其他人優秀。」
評審們對Bibi的突破同樣讚不絕口，雷有輝：「今次嘅突破比起其他學員係最自然、最做到嗰件事。」Miss Chan Chan：「日日拿住支咪我好多年前已經做緊呢樣嘢，我鍾意佢撳住個咪嘅感覺、好自然，你係有突破到一個關口嘅，我恭喜你。」
