準爸爸方力申日前遺失家中飼養的金剛鸚鵡「龍兒」，他在社交網貼上出Po求救，約5小時後終被找回。小方事後發文感謝大家以不同方式提供幫助，留言：「尤其感謝一群素未謀面的鸚鵡友，以及郭秀雲Sharon都前來到我家，重組了龍兒失蹤的路線。由於我沒有給龍兒太多機會做飛行練習，他的飛行技術並不高，但也足以花了數小時，最終是在距離我家幾十米外的一棵樹下找到了牠。」
小方昨晚（14日）在社交網上載與一隻鸚鵡開心合唱《我是一隻小小鳥》的片段，留言：「我隻金剛鸚鵡龍兒，尋（前）日失而復得之後，今日我即刻約埋琴日大部分救『兒』拯救隊嘅成員，當中當然包括發現龍兒嘅阿成同佢屋企人，佢話當時見到有隻貓好似想攻擊一啲嘢，先至發現原來龍兒喺草叢入面。我哋一班鸚鵡友，講返事發經過之餘，我又乘機學吓點樣照顧鸚鵡，開開心心度過3小時。」
網民讚隻鸚鵡「好勁呀，識唱歌」、「識得接落去唱囉，有料」、「咁好歌喉，高音勁過你」等，不過當中有人似乎誤以為唱歌的是龍兒，留言：「佢仲識唱歌俾你聽，佢無驚喎」，但觀乎小方發的尋雀圖，唱歌的不是龍兒。
