小方面對扭計喊的囡囡冇晒符。
自從太太葉萱（Maple）去年12月誕下女兒Isla之後，方力申變成「寵女狂魔」，社交網的帖文都變了湊女日常。昨晚（4日）小方上載父女合作來個風筒止喊「真人測試」，留言：「碌IG都可以學到好多嘢㗎」！
片段中Isla在BB牀上哭鬧中，小方手持紅色風筒對鏡說：「我上網睇到，話如果BB喊，用風筒聲，佢會唔喊嘅，依家試下嘞。」測試正式開始，小方隨在牀邊開着風筒，Isla聽到聲音後果然收聲，便漸漸平靜下來，仲眼仔碌碌望實爹哋，但當小方關上風筒，Isla又蠢蠢欲動，小方再開着風筒，又再湊效。
好多網民都話試過，雷頌德就搞笑分析：「因為仲嘈過佢，你鬧我嗰時，我大聲過你鬧返你轉頭，你都收聲呀」！有網民則解釋：「因為風筒聲屬於白噪音嘅一種，其實同佢喺個肚入面聽嘅聲音係好似」；再有網民教路：「Youtube好多成個鐘嘅white noise，唔使拎住個風筒」、「有流水聲，膠袋聲都得…其實你download app就得，唔使咁多pops呀嘛」！另外眾多網民都再次指出：「囡囡好精靈，好似Daddy」、「都好似爺爺」，連吳若希都話：「好似樣救命」！