回顧過去一年結婚生女的人生轉變，小方坦言感覺像玩遊戲般難度升級。他表示單身時覺得自己生活及工作安穩、成績不錯，但結婚後發現維持感情和實踐一生一世的承諾需要實際行動。自女兒Isla出生後，他更深刻體會到「養兒一百歲長憂九十九」的道理，與太太葉萱（Maple）一同面對各種擔憂與計劃。不過，他對未來充滿期待，認為結婚生子是將「我」變成「我們」的過程。
小方又透露為女兒中英文名的背後意義：「我個女Isla叫方愛嘉，我哋係先改英文名，然後再改中文名。揀『愛』字係因為我屋企房間門口有兩幅書法分別係『愛』同『家』。對我嚟講，家庭係最重要，『愛家』係我生活嘅重心。而且『愛』嘅普通話發音又可以同Isla呼應。至於『嘉』字，係老友陳定幫師傅幫我哋改嘅，發音亦係同『家』字一樣。
「講到我哋嘅家庭Family，F代表Fong，A係Alex，M係Maple，I係Isla，L係未來嘅寶寶，Y係Yip，既然中英文意思都咁夾，所以就乾脆叫佢愛嘉啦！Isla愛嘉，爸爸今日嘅願望就係希望妳能夠一生平安、健康、快樂！（其他就隨緣啦）」！
