一曲《倒轉地球》在内地爆紅的陶大宇，今次唱到返香港，本來活動在今年一月舉行，不過疫情再加限聚令要延期，事隔三個月，大宇終於「找數」！今日大宇現身商場活動時，現場有不少途人圍觀，他在台上唱了《唱這歌》和《倒轉地球》，台風當然有水撥手！佢唱完好鬼抵死地說：「聽完仲食得落飯？」
大宇唱完歌同記者講吓近況，佢話因為疫情甚少外出，今日見到咁多人梗係好開心，「頭先唱歌，大家都好互動同配合，我梗係一定要配合啦，收咗錢㗎嘛，表演嗰陣又係食飯時間，佢哋飯都唔食都嚟睇我表演，真係感激到不得了。」大宇說話時有點「聲沙沙」，他笑說係唱完先沙，仲話發覺原來戴住口罩唱歌係好辛苦，好有難度，「尤其係我呢啲天籟嘅聲音，抖唔到氣喎，谷鬼氣，真係想剥咗口罩，不過唔得，唯有死頂唱埋落去，希望大家見諒。」
現場有唔少市民大宇自拍留念，仲有人舉燈牌，寫「香港世一」。
