龔嘉欣早前主持的無綫飲食節目《在家宴客50道菜》大獲好評，新一輯《在家宴客60道菜》亦載譽歸來，將於明晚播出。今次嘉欣繼續與肥媽拍檔，合力炮製各式美食。
肥媽除了廚藝爽快俐落，更以心直口快見稱。在煮蟹環節中，她巧妙「追問」嘉欣的婚期，令嘉欣措手不及、陣腳大亂。嘉欣回應時似意有所指：「我諗緊節目出街時去到咩狀況。」其後她進一步解釋：「我係一個要好諗清楚嘅人，因為我年紀唔細喇嘛。」肥媽立即捉緊這句話乘勢追擊：「就係因為你唔細先唔好諗咁多嘢‥‥‥到你諗清楚嘅時候‥‥‥人哋唔清唔楚喇已經。」
席間，見識廣博的肥媽還與嘉欣分享為何有人形容女人像蟹，期間更笑她只顧住食：「你又唔識眨眼，死蟹咁樣，真係！」二人啜核互動，過程生鬼過癮。
