龔嘉欣、肥媽、李家鼎、邵德龍、李文星、黃永幟、許美德、Jacques Kagi今日（12日）出席《在家宴客 60 道菜》記者會，今次拍攝大家除咗講飲講廚藝外，最關心係龔嘉欣嘅感情狀況，肥媽仲教埋龔嘉欣點姣男人，「今次節目離晒題，我原本無打算再主持節目，但因為之前口碑好，所以再添食，因為要夾大家期，所以隔咁耐先再開拍節目都好開心，今次因為大家熟絡咗，所以話題都比較大膽直接。（肥媽嫌你唔夠姣？）你唔好聽佢講喇，以前我性格比較直，有個句講個句，但其實都需要學識溫柔，我都有呢一面，但只係大家唔發覺，只係肥媽口中講嘅姣尺度，我真係搞唔掂，佢會教我，叫我眼甘甘望住對方，人哋可能唔知咩事，真係一巴摑埋嚟，我講笑，但大家其實好錫我，都係一種緣份，大家都教識我好多廚藝，以前都怕煮怕太難食，但而家都敢招呼人嚟我屋企食飯，廚藝大膽咗，主要煮家常小菜。」
問到會否自薦參加《女神配對計劃2》，原來她早已推掉，「公司其實都有問過我，但我又無諗，已經拒絕咗，自己而家心態比較隨緣，之前好多朋友都會介紹男性朋友俾我認識，大家都好緊張，但而家唔去諗，反而成個人會開心咗，所以隨緣比較好。」說到工作，原來她4月即將開劇，打破視后魔咒，「詳情等公司講，好開心又可以拍劇又可以做主持，嚟緊又接咗兩個登台，保持住去年嘅豐收，今年唔使擔心，保持到人氣及財氣。」
更多現場圖輯：
