《中年好聲音4》第六集今晚（28日）繼續香港賽區賽事，本集將再誕生三位「五燈」選手，累計已有六人獲此佳績。節目亮點頻出，既有實力唱將與勵志故事，亦有評審周國豐、張佳添連環發放金句，以及評委海兒投入的表情與造型，吸引觀眾目光。
本集一大看點，是參賽者陳穎詩（36歲）在獻唱《I Will always love you》後，公開向周國豐「算帳」。她以充沛嗓音獲得好評，張佳添更聽得舉手鼓掌。陳穎詩分享時笑稱對這首歌有陰影，並直指源頭是周國豐：「我個陰影就係周國豐！」車婉婉隨即附和：「你以前作孽太深喇應該！」陳穎詩解釋，二十多年前參加歌唱比賽時，同樣演唱此曲卻被擔任評審的周國豐批評選錯歌，從此留下心結，甚至這次登台前仍擔心他不會按燈。
「手緊王」周國豐成為眾矢之的，肥媽即時聲援陳穎詩：「呢首歌係難度歌，但doesn’t mean唔啱你唱咯！周國豐老師唔畀燈好出奇咩，你問吓啲觀眾。」張佳添也加入調侃：「首先我要為你唔聽周國豐嘅說話，偏偏要揀呢首歌喺呢個台上再唱一次而鼓掌‥‥‥我哋《中4》嘅一個主題，就係眼前一亮，你做到！」周國豐則面露慚愧尷尬，仍「勇敢」給予評價。
另一矚目參賽者是42歲家庭主婦何晶晶，她選擇獻唱《女神》。原來她曾在2001年《全球華人新秀歌唱大賽》香港區擊敗鄭俊弘奪冠，其後轉戰配音界，近年專心照顧家庭。這次在兒子鼓勵下重踏舞台，她感慨「既熟悉又陌生」。晶晶表現出色，一段流暢高音同時觸動張佳添、谷婭溦與海兒按燈。張佳添讚賞：「你嘅感情係幫到你嘅，令我覺得你唱歌好有內心嘅思想、好有感覺。同埋佢一升key，我哋大家就嚟啦一齊撳燈，因為你帶動到我哋。」周國豐亦稱讚：「你好懂得聲音運用，你好入咪，你把聲令人聽得好舒服。」
