有「行走的CD」之稱嘅林俊傑（JJ）將於今年9月23至25日嚟到香港紅館舉行「JJ 林俊傑聖所世界巡迴演唱會」香港站，今次係JJ事隔三年再踏上紅館同香港粉絲見面，相信大家都引頸以待同JJ共度中秋佳節，大飽耳福！
音樂教父David Foster曾Mariah Carey、Michael Jackson、Celine Dion等國際樂壇巨星打造演唱會。
不過今次最大嘅驚喜，絕對係演唱會嘅製作班底，向來不論音樂定舞台演出都力求完美嘅JJ，重金禮聘國際級音樂教父David Foster同佢一齊擔任音樂總監。音樂教父David Foster真係大有來頭，佢曾經為多位天王天后級歌手，包括Mariah Carey、Michael Jackson、Celine Dion等國際樂壇巨星打造演唱會，至今佢已經奪得16個格林美獎、艾美獎同金球獎等多個獎項，更三度入圍奧斯卡提名。另外，其他樂手同造型師等都係由JJ親自挑選，令粉絲非常期待。
延伸閱讀：
對於今年舉辦嘅「JJ 林俊傑聖所世界巡迴演唱會」，JJ表示這次的演唱會是回顧過去不同的自己，透過歌曲將過去、現在與未來的生命體驗串連在一起。另外，他更揚言這是一趟令樂迷感動的音樂旅程。
「JJ 林俊傑聖所世界巡迴演唱會」由今年3月開始，已經喺內地進行多站演出，包括武漢、深圳、大連、北京、濟南、南京、重慶、長沙、成都、南寧、合肥、鄭州、天津、新加坡同馬來西亞等地方，而香港粉絲都即將能夠大飽耳福，可以聽到JJ嘅親身演唱啦！
延伸閱讀：
圖片來源：林俊傑@Instagram
影片來源：海蝶音樂、林俊傑 JJ Lin＠YouTube