「茶果嶺村」繼去年十月開始的第一階段清拆工程完成後，第二階段隨即開始。早前政府公布，要求餘下的九百二十戶村民於九月十二日前全部遷出，代表這條過百年歷史，承載數代村民回憶的「城中村」即將畫上句號。
執筆之時距離死線還有大半個月，村內近八成房屋已遷出並貼上封條，村內大街顯得份外冷清，而在橫街窄巷內的個別寮房，甚至已失修倒塌，整村一片蕭條。
除了「榮華冰室」，餐廳內氣氛熱鬧，坐滿得知清拆在即，而前來打卡留念的遊人。店內由七十六歲的老闆鏡叔一人主理。一邊烹調食品，一邊招呼客人，同時鏡叔亦樂於向客人分享昔日村內的生活點滴，加深遊人對村內的認識。
離「榮華」幾舖之隔，開業七十年的「茂發茶室」，東主華哥表示，該店是由其父創立，原為餐廳，之後由他接手。與茂發同年的華哥，近年由於年事已高，才轉營士多。過去華哥在村民組織「茶果嶺鄉民聯誼會」擔任財政三十多年，對村內歷史或街坊軼事瞭如指掌，可稱得上為村內活字典。同時「茂發」亦成為街坊坐低吹水的聚腳點。談及拆村在即的變化，華哥一臉無奈表示：「唉……依家一入夜成條街烏燈黑火，燈都冇盞，只有我開到九點幾（晚上）。就算閂咗門，我上面（店前）盞燈永遠都唔熄㗎，起碼仲有點光吖……」
同樣是聯誼會成員，做了多屆主席的成哥，其家人已遷離上樓，自己亦有其他地方居住，毋須安置，但他仍選擇留守到封村一刻。他對政府的安置、賠償安排，顯得頗為勞氣。「X，有好多住咗好多年嘅街坊，因早年文件失散、唔齊，就話唔符合安置條件，又有廿多個村內未夠十八歲嘅細路，自己拎香港身份證，雙親只持雙程證又或是其中一方家長係香港人但『過咗身』，細路又未成年，又話冇得安置，咁你叫佢哋點呀？瞓街呀？佢哋明明住咗好多年吖嘛，係村裏面嘅人嚟㗎！」成哥決定留到最後，為未獲安置的街坊繼續發聲。
除了因各種理由而暫未搬遷的村民外，平日亦不時見到已搬離的舊街坊，返村行一行、坐一坐，同未搬的街坊吹水，「反正日頭無所事事，對住四埲牆（新居）。不如返嚟坐吓丶傾吓偈好過啦。遲吓各散東西，想傾都冇……」
外人眼中，當刻的茶果嶺村是凌亂、破落，時日無多的打卡熱點……但對一衆老街坊來說，村內大小歷史痕跡，滿載着昔日的生活印記，告別前難捨難離，點點滴滴，當然要好好珍惜。
