林盛斌（Bob）於下月18日舉行《The Bobfather 2021》棟篤笑，Bob將棟篤笑命名為《Bobfather》，坦言靈感來自經典電影《教父》，而且影響他很深遠，「細個時睇過一次，到我成年時再睇返一次，感受好大，首先套戲好勁，入面嘅男主角馬龍白蘭度飾演嘅Godfather，事業做得好好，家庭處理得好好，身邊所有嘅朋友搵佢，問題就會解決。Bob如果有日都可以好似Godfather咁，變成Bobfather的話，就威水了。」Bob與Godfather其實也有近似之處，例如Godfather有三子一女有養貓，Bob則有三女一子，最近兩年亦養了6隻貓，再加上人漸成長，不論親友或事業夥伴，很多時候都會向他尋求協助，與電影中的情節有雷同的地方，以上種種的巧合令Bob認為以「Bobfather」作為今次棟篤笑的名字是最適合不過。
Bob希望在棟篤笑上與觀眾分享苦與樂，亦會氹大家開心，加入一些自己的想法和正向人生態度，「俾大家一個好好嘅抖氣Moment，亦希望到時可以有啲金句可以打入你嘅心，等你可以帶住呢啲金句，邁向2022年。」Bob又賣花讚花香，堅信看過棟篤笑的觀眾會有得着，「呢120分鐘，包保改變你一生！」
