林盛斌硬食波餅騷囝囝有幾勁揪　愈住愈豪間房大到可以踢波

林盛斌（Bob）4子女各有才藝，6歲細仔林道申（Jaye）精靈活潑，除了是籃球神童，原來也是足球小將。Bob今日（16日）上載囝囝在房內踢波片段，留言：「嗰晚同佢睇咗《少林足球》最尾嗰場波，之後佢就同我講：『爸爸，好easy啫，我都得啦！』呢條友仔，係有啲料。」負責拍片的Bob即使走了位仍連續兩次被囝囝射中，硬食波餅的他仍笑住大讚：「好勁啊！」網民都大讚：「細佬仔果然勁揪喎」！

吸金力強的Bob愈賺愈多，也愈住愈豪，由九龍塘三層獨立屋搬住同區大型豪宅，繼早前在社交網分享Jaye在花園打籃球片段，曝光花園勁大後，今次囝囝在房內踢波片段，同樣吸引網民注意：「Bob爺間屋大到呢」、「點解你間房可以咁Q大」、「間屋大到可以踢波」！