在《中年好聲音2》得第四名的黃劍文，上周跟十八個「中２生」開完演唱會後，暫時可休息；由於之前承諾得獎後會同歌迷搞場BBQ聚會，他終於「找數」，日前跟過百歌迷歡度一個歡樂嘅晚上。
劍文話首次同歌迷一齊BBQ感覺好興奮，好戥佢哋熱，歌迷仲好 sweet話「幾熱都要陪你」，令劍文份外感動。歌迷更悉心在現場佈置打卡位，劍文到達現場後，過百歌迷更大合唱《凡星》送畀他，這首歌對劍文份外有意義，因為是他的必殺歌，聽到呢首歌嘅時候劍文都有眼濕濕。
原先安排在露台BBQ及同歌迷唱歌，雖然天公不造美，活動移師室內進行，劍文話反而更親密，所有歌迷圍住自己唱歌，感覺好多愛包圍着自己，仲見到佢哋臉上嗰個係笑得好開心，所有人好似回復小朋友一樣。因為今次的聚會，歌迷改咗會名叫「Kimchi Family」，劍文好感動，話我終於有個大家庭！
40歲的黃劍文其實入行超過十年，期間拿着結他四處表演，從街頭演出到婚禮歌手，更不停參加各大小歌唱比賽，如《超級偶像》、《超級巨聲》、《快樂男聲》、《中國好聲音》、《星光大道》和《全民造星III》。
