Advertisement

【黃宗澤專訪1】頸椎變形 腳掌鑲釘 黃宗澤拍《飛虎》留陰影

本地
2020.06.14
撰文:劉家倫攝影:伍敏慧
黃宗澤拍《飛虎》留陰影

黃宗澤Bosco再次為邵氏的《飛虎》系列擔正,在《飛虎之雷霆極戰》與昔日五虎吳卓羲和馬國明再度合作,三人上一次合體已是十七年前的《衝上雲霄》,Bosco笑言馬明變得很鬼馬;入行多年,今次拍劇是Bosco傷得最重的一次,除傷及腳掌舟狀骨,又可能因腳傷引發頸椎變形。

踏入男人四十,母親沒有催婚,反而鄭嘉穎催他有仔趁嫩生,不要年紀太大做爸爸。
踏入男人四十,母親沒有催婚,反而鄭嘉穎催他有仔趁嫩生,不要年紀太大做爸爸。

《飛虎之雷霆極戰》連場槍戰爆炸動作戲,劇集開鏡不久,Bosco已不慎傷及腳掌舟狀骨,因此戲中有些戲分是坐在輪椅拍攝上半身,他說:「拍第一集追逐戲時,發生了意外,卡板跌下地,好似一把刀劈落我腳掌,醫生說傷的地方叫舟狀骨,行路時一定會移動,醫生睇到都說『吓!傷呢度?』如果康復得不好,若有細菌感染令埋口不理想,以後行路就拐吓拐吓,所以要馬上做手術,鑲了幾粒鋼釘再包石膏,那刻都要照開工,拍文戲和一些打戲都是坐住輪椅推住扮行。」
一向大膽的Bosco,直言今次留下陰影,「今次都算多動作場面,又多槍戰爆炸,受傷之後的確有陰影,以前一roll機就嚟,現在唔得,拍之前了解咗先,再傷好麻煩,仲後生咩!」整個拍攝過程,Bosco都需要配合物理治療紓緩痛楚,直到劇集煞科,Bosco馬上用另一種「方法」治療,「我好自虐,一拍完馬上就約朋友去東京,一日行六小時,是痛兼唔舒服,我唔理照行,行了兩三日竟然唔痛喎,點知東京飛返香港前一晚執行李,隻腳唔痛就到另一處痛,條頸好似有些唔舒服,上機不久,隻手開始痺,隔一天睇骨科照X光,發現頸椎弧形變直咗,不知真正原因,有可能拍攝整傷、又可能因腳傷長期一邊身用力弄傷神經線,頸好麻煩,企又唔係坐又唔係,好慘,醫了很久。」

轉眼《衝上雲霄》已過了十七年,Bosco、吳卓羲和馬國明亦由「𡃁仔」變成獨當一面的小生。
轉眼《衝上雲霄》已過了十七年,Bosco、吳卓羲和馬國明亦由「𡃁仔」變成獨當一面的小生。

Bosco、吳卓羲和馬國明是昔日五虎成員,三人上一次合作已是十七年前的《衝上雲霄》,「○二、○三年幾乎日日見,我們幾個一人霸一個廠輪住拍,之後第一部拍劇出外景就是《衝上雲霄》,去北海道喎!我咁大個仔第一次去,一班後生仔住民宿,真係好好玩,傾偈食嘢飲酒,好開心,現在雖然大家都成熟了,但我覺得大家的性格冇乜變,馬明就明顯開朗咗百厭咗,現在識講笑,我和Ron講笑他會插嘴,三個人好似回到以前,嘈到不得了。」

參演電影《銀河守護隊》及《哈比人》的美國影星Lee Pace,邵氏重金禮聘力邀拍攝《飛虎之潛行極戰》續集,和Bosco最多對手戲。
參演電影《銀河守護隊》及《哈比人》的美國影星Lee Pace,邵氏重金禮聘力邀拍攝《飛虎之潛行極戰》續集,和Bosco最多對手戲。

Bosco今次亦遠赴英國拍攝,與荷李活影星Lee Pace有大量對手戲,Bosco更自費請了英文老師上課兼隨行,他說:「從未試過拍劇全程講英文,要講對白又要演戲,拍之前搵了老師補習,始終跟外國人傾偈又唔同,老師會教吓英文潮語,頭一兩日都緊張㗎!」Lee Pace貴為荷李活影星,一部電影分分鐘拍一、兩年,今次讓他體驗到港劇速度,「他習慣得好快,最初他也估唔到拍攝節奏那麼快,他們拍戲打燈都要幾小時,我們廿幾分鐘就搞掂,他講笑,話以前在美國拍戲好似浪費好多人生,哈哈!香港什麼都快,時間就是金錢。」

母親經常跟着開工,Bosco笑言她只是趁機睇樓,但很信任母親的眼光。
母親經常跟着開工,Bosco笑言她只是趁機睇樓,但很信任母親的眼光。

65c94db2gy1fymbco9d96j20v815o4qq

腳傷後馬上做手術,未康復就需要繼續趕拍,一些動作場面只好坐輪椅拍攝上半身。
腳傷後馬上做手術,未康復就需要繼續趕拍,一些動作場面只好坐輪椅拍攝上半身。

 

服裝:Moncler、John Hardy
形象:Queenie Yu
化妝:Cyrus Lee
髮型:Kel Fung @HH hair.nail

陳卓賢 MIRROR 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹