電影《尋秦記》四位演員古天樂、宣萱、林峯、朱鑑然接受無綫《一周星星》訪問，今集主持區永權求證古仔是否如傳聞所指「唔畀人趷得」，古仔好大反應：「你講咩呀？（馬上指著宣萱）佢嗰日唔趷過我唔開心。」區永權追問宣萱：「傳聞呢個世上，得你一個可以對住鏡頭趷佢。」古仔聞言搶答：「我澄清番先，佢唔對住鏡頭都係趷架喇。」宣萱指區永權都會寸古仔，古仔聞言笑說：「我好記仇嘅，你死梗喇今次！」林峯加入戰團：「我喺度諗緊邊一日你係冇趷佢嘅，又好似冇……」、「我未見過有其他人趷佢」。被圍攻的宣萱即強調「開工我冇趷佢嘅」，豈料古仔依然反對：「你咁都夠膽講嘅？！」
宣萱詳談拍攝電影版《尋秦記》時，與郭羨妮再度聚首「仲啱傾過以前」時，古仔搭嘴「即係以前唔啱傾」，被宣萱「反白眼」攻擊兼被負評「搞屎棍」，宣萱提到重遇歐瑞偉（飾演陶總管）時感覺很強烈，並指很快便能投入與對方的感情戲，古仔又再口多多：「即係你同陶總管有感情線，你意思係。」宣萱聞言狂打古仔，古仔無奈回應：「成日郁手郁腳。」
另外，當年劇集《尋秦記》其中一條古仔因大力篤宣萱心口、令宣萱忍不住爆笑的NG片被廣傳，宣萱笑說：「我睇親都笑，我估我睇三十、甚至一百次都會笑」、「佢冇當我女人囉，總之係……可能對佢嚟講（力度）四㗎啫，但對我嚟講已經係七、八㗎喇。」古仔回應：「篤本身唔大力唔係叫做篤嘅，叫做撩！」
更多圖輯：
