由汪阿姐做主持嘅《香港唱好演唱會》於日前播出， 呢晚除咗見到一班星夢歌手，仲見到以歌手身份出道嘅王浩信上台獻唱陳百強（Danny）嘅經典金曲《深愛著你》，大家又覺得佢唱成點呢？
《香港唱好演唱會》與《香港小姐2019》的安排一樣，沒有安排觀眾入場，想睇就唯有乖乖坐喺電視機面前，安坐家中一齊為香港人打氣。而呢晚王浩信上台唱歌嘅時候發生一段小意外，佢一開口唱咗幾句，右邊耳仔嘅Ear Mon就突然跌咗落嚟。經驗十足嘅王浩信冇因為呢個小意外顯得驚惶失措，繼續以平常心完成整個表演，實在專業。
除咗王浩信翻唱過Danny呢首金曲，陳奕迅同陳柏宇之前都有翻唱過，大家聽完呢幾個版本，最鐘意邊個呢？
圖片來源：my TV SUPER(www.mytvsuper.com)
影片來源：my TV SUPER(www.mytvsuper.com)、ViuTV