《宮心計2深宮計》熱播，四司經常「宮心眼」，睥來也睥去，「宮心首腦」梅小青應記一功，拍得出咁好嘅戲，原來小青姐除了係幕後人，原來都拍過劇㗎！
七十年代她更客串古裝劇《七武器之孔雀翎》，扮演李影的童年，你都咪話小青姐冇演技。
小青姐當年廿一歲，扮演十三歲做「童星」，「記得當時在麗的電視做PA，我真的不想演，但因為劇組真的找不到人，就捉我去扮盲妹，劇中用手在對方身上摸到枝箭，點知摸摸吓竟然摸到血就手一縮，要扮好驚的表情，點知導演吳回叔就叫我，話『梅小青我要你驚，唔係要你笑呀！』我答佢我其實已經係好驚的表情，原來他覺得我劈大口好似笑，所以叫我個口唔好劈得咁開。」
原來小青姐唔止演得，仲唱得，「中學時我已是樂隊鼓手，菊姐（關菊英）家姊出來唱歌時，我都有幫她打鼓，之後就去台灣一些晚會表演唱歌，其後再回來香港就去了麗的電視做PA！」
由梅小青監製的劇集《宮心計》○九年開播，當時已深受廣大市民歡迎，更創下最高收視五十點的佳績，成為劇集經典。目前播出的劇集《宮心計2深宮計》同樣有追看性！
