幾日前，Yumiko係街唔見咗銀包，公開搵銀包兼重酬！連容祖兒都加碼加多個豬扒包，關智斌又話俾多一千做酬金！
事隔四日，Yumiko好開心話收到銀行電話，有人執到佢個銀包，放咗係警署，佢話銀包原封不動，所有嘢都喺到，「香港好心人真係好多！真係衷心多謝！」Yumiko話問過警察想搵好心人，因為想俾返酬金同容祖兒送嘅豬扒包，不過警察話係不能說的秘密，唯有公開多謝！仲話最開心係梁浸浸，因為第一次去警署，梁浸浸話警署係警察嘅屋企，仲問警署係咪有牀？夜晚警察係咪一齊瞓？⋯⋯Yumiko話問題少女好多問題問喎。
圖片來源：鄭希怡@Instagram