MIRROR昨日（28日）現身記者會宣傳12月舉行的團體演唱會。當問到演唱會可會在聖誕節加場？AK說：「一加就加到年廿八，我心裏面最近嘅日子就係年廿八」，被問點解？他回應：「順口」。AK於中秋節在IG上載三張黑圖，其中一張附有兩個舉中指emoji，隨後删除，當聽到「黑圖」兩字，他扮作打呵欠，然後說：「個帳號係我嘅，鍾意出咩咪出咩囉，唔使咁多擔心。（你唔開心？）我開唔開心都唔關你事。」又叫大家關心下出面的事，「泰國水浸呀！」再被問是否有事唔開心？他說：「因為泰國水浸囉，我咁鍾意曼谷，佢水浸喎！」
王智德剛在澳洲與梁彥宗拍攝旅遊特輯後返港，Alton透露這次會有第三位主持，被問到是男或女？他指那人是大家見慣見熟的，被追問是否曾與梁彥宗合作過？Alton未有進一步透露，有記者笑說已猜到是誰，Alton即回應：「你知咁多嘢，你自己訪問自己呀嘛！」
姜濤早前到過東京，他透露此行吸收不同的唱歌及跳舞文化，以及灌錄新歌，被網民偶遇並稱他為「香港目黑蓮」，姜濤首先多謝對方稱讚，「但我亦知我唔係呢個level，我同目黑蓮水準差太遠，人哋靚仔咁多。」另外，網台組合JFFT曾在直播中取笑呂爵安「只顧拍拖外遊」，姜濤為Edan出頭，在網上留言批評JFFT的言論「無品」，引發雙方粉絲罵戰；但Edan最近應黃淑蔓邀請，客串演出黃淑蔓與JFFT合唱的歌曲MV，Edan被指「調轉槍頭」。Edan解釋事前有知會姜濤，亦預計會引起甚麼反應，但只想這個圈不要有太多怨氣，「如果我選擇釋出善意，踏出第一步，會唔會有可能改善一啲嘢或者解決一啲嘢？」Edan認為大家要學習視野廣闊一些，「大家可以諗一諗，人哋冚你一巴，你就要冚返人一巴，呢個係惡性循環無限輪迴。」
更多現場圖輯：
