呂良偉、鮑起靜、方平、白茵、錢嘉樂、袁絲珩、鄧匡閔、李澤欣、李澄晴、阮浩棕、李爾晨、關嘉敏、阮嘉敏、吳業坤、劉若寶、何佩瑜、黎峻、胡鴻鈞、蔡潔、謝高晉、莊思敏、徐偉棟、徐頴堃、羅浩銘、張文傑、林正峰等，昨晚（28日）出席《香港影視界慶祝中華人民共和國成立77周年招待會》。
在日前播出的一集《女神配對計劃2》中，李爾晨為郭珮文撥頭髮的舉動，掀起熱議，有網民批評「呢個動作做多咗」、「太過刻意啦」，更有指李爾晨在撥頭髮前偷望郭珮文的胸部。這晚同場的李爾晨、阮嘉敏及關嘉敏一起受訪，李爾晨認為撥頭髮只是一個好純粹、好簡單的動作，沒有想過會有這麼大回響，他亦否認有偷望郭珮文胸部；另有網民爆料指兩年前曾見過李爾晨與港姐一起飛杜拜，他為此解畫︰「係兩年前拍《巨塔之后》出外景，去布拉格要在杜拜轉機，同行有陳楨怡及不少工作人員。
關嘉敏與阮嘉敏認為郭珮文擁有驕人身段，「望下都好正常」，關嘉敏說：「我都會望呀，如果有望的話係唔出奇，我覺得係佢嘅優勢嚟，靚嘢正常人都會欣賞。」她更搞笑指有研究過如何才做到這樣好身材，「我諗我要將膝頭哥收埋喺度先做到」。
阮嘉敏亦坦言每次拍攝都會望，「我甚至直接同佢講，我可唔可以望呀，可唔可以掂呀？佢會話走開呀，但佢愈叫我走，我就愈想望」，她覺得身為女生都會羨慕，「真係好誇張S字形，好正！」
更多現場圖輯：
