黎耀祥、龔嘉欣、丁子朗、孔德賢、袁文傑等《香港探秘地圖》的演員，昨日（6日）出席宣傳活動。
梁嘉琪早前接受伍詠薇、李凱賢主持的HOY TV節目《九運會客室》訪問時，大爆當年於橫店拍攝TVB劇集《金枝慾孽貳》時，遇上一位當時仍是「姐仔」的女星在片場指指點點和耍大牌，更有「雙面人」行為，幸好獲伍詠薇出手解圍。節目播出後引來網民熱烈討論，不少人猜測龔嘉欣是嫌疑人。
龔嘉欣對此首度開腔回應，直言近日忙於拍劇，未有時間留意報導：「我無經歷過報導所講嘅事，我今日講完就唔再講，唔想為第二個電視台節目宣傳，我無經歷過佢哋講嘅事。」被問到是否認為網民估錯嫌疑人時，她強調：「我唔知佢哋講邊個，亦唔會八卦其他人嘅事，我嗰時都好新，呢個劇壓力好大，經常飛紙仔，所以好集中喺工作上。」她透露心情未有受影響，亦不會因被誤會而不開心。
龔嘉欣表示與梁嘉琪較少合作和接觸，當時與其他演員都是同事關係：「大家好齊心合力演好套劇，正如我依家日日通宵拍新劇都好開心，因為大家都係為劇集好。一套戲唔係一個人嘅事，全部人做好先好睇。」她強調會繼續認真工作，不會再作回應。
除了澄清是非，這次宣傳活動同樣充滿亮點。為炒熱現場氣氛，丁子朗與孔德賢豁出去男扮女裝，頭戴Bob頭假髮、身穿短裙校服，帶領曾文心、張詩欣、蔡菀庭和梁珈詠起舞，二人扮相嬌俏，動作搞笑，袁文傑更忍不住摸丁子朗大髀，黎耀祥笑言：「同劇主題一樣，撞鬼！佢哋可以出道行彌敦道，應該返唔到嚟！」龔嘉欣也取笑孔德賢：「我多咗個妹。」
首次在公開場合穿女裝的丁子朗坦言擔心會成為黑圖：「20年後再被人拎出嚟笑！」他笑言經過今次才體會到女士穿短裙要時刻小心走光，更體諒女性。孔德賢則透露以前拍節目穿過魚網絲襪，但公開場合扮女人都是第一次。
活動上播放了結局篇預告，其中一幕倪嘉雯在後巷兇狠暴打黎耀祥、龔嘉欣和丁子朗。黎耀祥透露當日在九龍城後巷拍足一日，下着毛毛細雨，大家都被淋濕，笑言被倪嘉雯真打：「佢一啲內疚都冇，因為佢未拍過打戲，之後可以做打女。」龔嘉欣笑言被擊中腹部時非常痛，幸好自己有腹肌頂住，黎耀祥即幽默搭嘴：「好彩佢個肚入面冇嘢（冇懷孕）。」
劇集播出後反應熱烈，黎耀祥期望開拍續集，更提議「衝出香港」：「可以拍大灣區探秘、澳門探秘、美加澳紐都得，轉型做埋美食旅遊節目！」龔嘉欣大讚他有諗頭，並表示好想再與黎耀祥合作：「每次都有唔同火花，希望下次唔使等咁耐。」
對於鍾景輝（King Sir）離世，曾與他合作《愛．回家之八時入席》及《大太監》的黎耀祥感慨地說：「King Sir係一個好有風範嘅前輩，從未喺片場發脾氣，無論做人定工作態度，都係所有演藝人員嘅榜樣。佢離開咗當然好可惜，但慶幸佢係喺家中舒服地走，聽聞身體唔舒服都好幾年，最重要係佢老人家一路好走。」
