

小方坦言太太懷二胎期間有好多未知之數,不過回到Isla出生的醫院,見到熟悉的醫護人員,令他們都很安心,醫生更為Maple安排了幾個無創產前檢測等。他續謂:「講返今次用套娃去揭曉,我要多謝醫生幫忙,我哋一家先有今次咁緊張刺激嘅體驗,美滿嘅回憶。仔細老婆嫩,仲有爸爸媽媽要照顧,放心,聽日我會量力而為,好好咁完成挑戰,再去唱歌仔,希望大家睇直播,同埋捐返少少支持基層及有特殊學習需要嘅小朋友及青少年喇,多謝晒。」

小方在片段中自嘲岳父相,估計二胎仍是女兒,但在Isla多次打開套娃,由粉紅和藍色後變成只有藍色,揭盅是兒子,小方露驚喜表情說:「我唔係岳父相呀!」片段中方媽媽和爸爸亦高興表示:「我哋估啱咗,係個『好』字!」