胡定欣、陳山聰、張馳豪（Aska）、黃庭鋒與曾錦燊今早（15日）參加中銀港珠澳半馬 2 公里榮譽盃，陳敏之則偕兒子雷子樂參加親子跑活動。
一早出發的胡定欣，本來打算沿途打卡留念，誰知踏上大橋時天色仍然未亮，令她的打卡計劃落空，幸得同場的陳山聰一路照顧帶領，順利跑畢全程。陳山聰笑言自己除了引路，還負責幫胡定欣影相，又大讚當日天氣適合跑步，自己早前亦曾到上海、日本參加半馬，更鼓勵定欣日後不妨挑戰更長距離賽事。
提到伍詠薇早前在陳敏之的網台節目中，坦承曾受抑鬱困擾。敏之坦言情緒病是不少都市人都會面對的問題，「嗰時我媽媽走咗，我又要照顧小朋友，真心講，我連自己都搞唔掂。你問我係咪唔夠關心佢？可能係，但當時我都好需要人關心，我相信如果係真正屋企人，應該唔會介意。」她認為伍姑娘願意公開這段經歷，代表已經康復，大家毋須過分擔心。陳山聰亦補充，一直有留意伍詠薇的狀況，「咁一定有關心佢，如果係患情緒病的話，可能佢又唔識點同人去講；𠵱家佢願意分享，即係冇事，近排我同佢做嘢，佢都好開朗、好開心，變番以前大家識嘅伍姑娘。」
另外，Aska最後拿下 2K 組別亞軍，除了歸功於為 Hyrox 賽事持續操練、體能底子充足，他的奪亞秘訣相當貼地，全憑一個「生理動力」衝線，「因為終點先有廁所，一路跑一路諗住快啲去廁所！」黃庭鋒、曾錦燊同樣零備戰上陣，庭鋒早前在社交平台貼出凌晨 3 點鬧鐘截圖，未到起牀時間就被熱心網民瘋狂留言叫醒，令其哭笑不得；他又透露近期主力投入無綫台慶的綵排，根本抽不出時間練跑，更率先劇透台慶序幕有 80 人大型群舞，40 男 40 女一同演出，壓力不小，一旦表現失色就會格外突出。身為《東張西望》一員的曾錦燊就補充，不少女主持同時要練舞兼備賽，令他要頻頻頂更開工，完全沒有時間訓練。
