Advertisement

女神配對計劃 2|何沛珈過山車約會驚到失聲 Oscar扮鎮定化身暖男守護

本地
2026.11.22

TVB 戀愛真人騷《女神配對計劃 2》今晚(22 日)播出第十二集。Oscar 與 Roxanne 自從經歷「甜爆蘋果之夜」後,二人關係迎來明顯進展。一向怕醜的 Oscar 主動約會 Roxanne,兩人愛鬥氣,最後揀選了氣氛刺激的小丑過山車作為約會項目。

Roxanne 本身膽小,甚少玩機動遊戲,出發前還口硬,聲稱經歷過水上滑梯之後,已經沒有事情可以嚇到她。誰知 Oscar 即時寸爆:「上次(瀡滑梯)你係唔應該驚㗎,然後(仲要)喊咗咯。」未登上過山車,Roxanne 已經連續兩次大叫:「好驚呀!」原本同樣害怕的 Oscar,為了撐住氣氛,只能強裝鎮定,他說:「我都好驚呀,但佢又好驚喎,咁我做男人都應該要扮得唔係咁驚,等佢唔係咁驚。」

Oscar 全程細心安撫 Roxanne,出發前先安慰:「唔使驚,有我喺度。」過山車開動後,只見 Roxanne 甫上車就驚到花容失色、不停尖叫,Oscar 立刻伸手讓她緊緊捉住。縱然自己亦驚到不停大叫,他仍然時刻留意 Roxanne 的狀態,不時望向對方。當見到 Roxanne 驚到「聲都冇埋」,車速稍緩時,他抓緊時間慰問:「我 keep 住同你對話會唔會好啲?」「你闔埋眼先,好快(完)」「你 o 唔 ok?」「有冇唔舒服」,又輕拍 Roxanne 的大腿和肩頭安撫她。

事後 Roxanne 回想這段經歷,坦言心底十分溫暖:「我覺得佢關注點喺我身上,而唔係淨係自己 enjoy,我覺得 warm 嘅。」Oscar 早前向節目組透露自己幾乎沒有追女仔經驗,這次約會一改從前怕醜的形象,處處展現暖男一面,會主動了解 Roxanne 的喜好,傾談時亦用心聆聽,反差感十足。

這次單獨約會,二人亦直面積壓多時的「Emo」心結。Roxanne 首次剖白自己害怕「Emo 男」背後的內心故事,分享曾受情緒困擾、變得情緒不理智的經歷,一番話令 Oscar 聽完之後十分心痛。

星級企業大獎2020 姜濤 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹