陳柏宇（Jason）一連三場的《Jason Chan Live in Frames 20週年演唱會》，昨晚（18日）在紅館揭幕。時隔五年重返紅館舞台，獲炎明熹、丁子高、蘇永康、張敬軒、古巨基及梁詠琪等紛紛致送花籃祝賀，其中好友小肥更送來一個別出心裁的零食花籃，而太太符曉薇亦攜兩女到場支持。
開場前，身穿白衫白褲的Jason已搶先獨自步出舞台，走到兩側與前排觀眾握手打招呼，興奮笑說：「Hello，我見到你哋好激動！」隨即介紹同門小師妹蘇詠淳（Vincy）擔任暖場嘉賓。Vincy演繹了日文歌《Only Human》和《踏空氣的人》，贏得全場掌聲。正式開騷後，Jason在布幕後現身，以《快照》和《旁若無人》揭開序幕，隨後大螢幕播放由凌文龍、林熙彤及林千渟等演出的微電影《人生四格》，劇情尾聲因車廂爭執引發車禍，紅館瞬間化身意外現場，Jason換上黑色立體大褸，站在「失事」車輛上唱出《命盡頭》，場面震撼且極具視覺衝擊。
全晚高潮之一，莫過於Jason邀來MC張天賦擔任表演嘉賓。兩人合唱《命案》與《小心地滑》時，全場歡呼聲不絕，Jason解釋因網上有留言指兩首歌風格相近，所以今次特意將兩首作品二合為一，成就這個獨一無二的二次創作。他又大讚抱恙上陣的MC非常專業兼貼心，綵排時已全程戴口罩以免交叉感染。兩人其後話起當年，MC透露相識源於在IG回覆陳柏宇打羽毛球的story，其後更相約出來「以波會友」；陳柏宇則笑言知道MC已考獲電單車牌，而自己的愛車長年閒置車房，若對方有興趣，「我可以續牌畀你揸」，引來全場爆笑。及後陳柏宇表示有「小禮物」送給MC，但先「戴頭盔」叫對方不要期望太高，隨即驚喜唱出《一千種戀愛》。MC聞言難掩興奮，直言這首歌是自己心目中陳柏宇作品的Top 3，小時候更曾唱來追女仔，綵排時曾打探過歌單，得知沒有收錄已打定輸數，沒料到陳柏宇用這個方法送給自己，令他感動不已。兩人之後拿手機自拍，MC笑說：「其實我哋身高差唔多，唔使踎。」場面輕鬆惹笑。
而另一全場最溫馨時刻，則是一家四口登場。當大螢幕回顧Jason的成長、結婚及生女重要時刻時，他坐在即影即有照相館場景中，另一邊則坐着太太Leanne和兩位寶貝女——長女陳羿辰（Abigail）和細女陳星晴（Audrey）。其後他帶領妻女繞場半周，期間邀請太太唱兩句，Leanne靦腆婉拒；他又叫囡囡向觀眾打招呼，Abigail毫不怯場，頻頻揮手說Hello，妹妹Audrey則全程天然呆，害羞模樣相當可愛。Jason笑問太太：「我好耐冇返屋企，佢係咪嬲我？」他又自爆3至4個月前帶齊音響回家狂練歌，太太聽他練唱聽到想嘔。妻女離台前，Jason忍不住與Leanne甜蜜咀嘴，長女亦不時親吻妹妹，畫面洋溢滿滿溫馨。
向來愛說話的Jason，感謝觀眾入場及家人支持，並剖白心聲：「其實我鍾意喺台上講故事，唱歌時唔鍾意講嘢，除非開Talk Show。」他透露演唱會承載許多訊息，尚有兩場讓大家細味，又笑言今次銷情理想，壓力不大，呼籲未購票者把握機會。臨近本月20日43歲生日的他，自誇保養得宜：「我個樣得唔得？喺外國人眼中，以為我啱啱入行，童星出身咁！Keep得好全因為做運動。」鳴謝環節時，他感性表示要感謝自己：「為咗唱歌畀你哋聽，見妹妹流鼻涕，我兩個禮拜都唔敢返屋企，連底褲都唔敢攞。見到啲父女Staycation片，我想喊，因為好掛住佢哋。」他坦言非超人，未必每次唱到最好，但承諾繼續努力，並呼籲歌迷日後再開騷時踴躍購票支持。
演唱會尾聲，全場高呼Encore，Jason換上T恤再度現身，笑說「有啲急尿」，仍熱情與台下歌迷狂玩自拍，可惜攝影技術欠佳，大螢幕合照全部失焦，引來陣陣笑聲。他最終加唱《親愛的仇人》、《航拍》及《別來無恙》三首歌，為頭場演出畫上圓滿句號。
