無綫視帝譚俊彥，陳曉華，林秀怡及梁凱晴今日（20日）齊出席全新節目《重症解密》記者會，大家化身重症調查科調查員，以偵緝案件形式為每種重症展開深入調查，記者會上，工作人員推出生日蛋糕為7月生日的譚俊彥，林秀怡及梁凱晴慶祝生日。
譚俊彥大爆陳曉華拍攝期間，於中文大學收集不少醫生電話，更表示會幫對方物色男友，「如果有好男仔我會介紹俾佢，唔係只有阿BOB先可以介紹，我都可以介紹，幫佢揀完先，要揀誠實、風趣，佢啲前度就不必再講，但我識陳曉華好耐，大家又同一個經理人，所以知佢有咩要求，拍攝期間佢都攞咗好多醫生電話，雖然都係教授，但都會有徒弟。」
陳曉華表示有好男仔都可以介紹給她，「不止要誠實同風趣，不過大家唔使諗太多，見到好就可以介紹，拍攝時我都攞咗不少醫生電話，因為我以前讀護理系，又對科研有興趣，今次拍攝可以返去母校中文大學，令我對中大教授多咗一份崇拜，覺得佢哋好厲害，自己都變成小迷妹。」即將開新劇，她跑步操FIT，「因為年初時暈過一次，之前可能唔夠休息，一有時間就去玩同食飯，始終出去食飯都會用少少體力，𠵱家會注重健康，而且嚟緊開新劇，體能上都要操吓，想有少少肌肉。好耐無動力去減肥，現在每日練跑步，早上五點半左右開始跑，天光前已跑完，食完早餐就開工，每日嘅生活作息都非常好，不過我沒有特別去磅重要知減咗幾多，但已回復港姐時的磅數，可以再選多一次港姐。」
更多現場圖輯：
