姚焯菲（Chantel）將於8月29日在麥花臣場館舉行首個個人演唱會《姚焯菲 Chantel 想飛 Live Concert 2026》，昨日（11日）記者會上吸引近百粉絲到場，連TVB高層樂易玲亦親臨打氣，樂小姐更感性表示：「佢想飛，我就陪住佢飛。」Chantel則表示視樂易玲做「第二個媽咪」，感激對方一直愛錫。
今次個唱對Chantel別具意義——這已是她第四次踏足麥花臣場館，但前三次都是與群星騷，今次終於獨當一面，令她感覺神奇和圓滿。她坦言六月回港才得知開騷消息，距離演出僅兩個月準備時間，一度擔心不夠用，「但既然落實咗，就將緊張變成動力，做到最好！」她更透露原定開騷日要飛回紐約準備開學，如今得改機票，笑言學業與夢想兩邊都要兼顧。
Chantel提到準備進度，現正練歌、練聲、控制飲食兼做美容療程。當被問到要減多少磅，她表示：「冇特定數字，咁樣壓力太大，我想健康得嚟又有體力，因為有唱跳部分，好驚所以要練體能！」至於會否挑戰性感辣身舞？她則賣關子說：「未開始排，但想畀驚喜自己，大家可以接受嘅性感啦，敬請期待！」
Chantel預告被嘉賓人選「有驚喜」，但提到會否邀請MC張天賦時，她指不知對方檔期。早前，她擔任MC演唱會嘉賓時遭觀眾粗言對待，Chantel淡然回應：「當時戴住耳機聽唔到，事後先知，但其實好多觀眾留低畀掌聲，我已經好感恩。」她更豁達補充：「我年資唔夠，可能觀眾唔想睇到我，有反應好正常，我唔介意。」至於好姊妹炎明熹（Gigi）同晚亦有拉闊音樂會，被問到粉絲該如何取捨，她笑言：「由佢哋自己揀啦！」
今次個唱VIP票價定為$1280，與好姊妹詹天文（Windy）的個唱同價，她不擔心被指「離地」，「無論買咩票價，我哋都無任歡迎，最緊要大家睇得開心。」而Windy昨晚率先開騷，Chantel大讚對方有長時間準備，自己會努力追上進度。
說到演唱會主題「想飛」，Chantel分享了一個有趣故事：「我發過一個夢，夢中有道神奇門，可以隨意穿梭去不同地方，有一次去了沙灘同海豚游水，醒來好唔開心，因為只係一場夢。但我想話畀大家知，冇事係不可能——『沒有做不到，只有想不到。』」海報上那對羽毛翼，正正代表「夢想可以飛得幾遠」。
歌迷會亦送上水晶翅膀耳環與閃片翼T-shirt，寓意「無論Chantel飛得多高多遠，小菲象都化作背後雙翼，一路守護」。Chantel即場獻唱新歌《想飛之內心獨白》，為個唱預熱。
