ViuTV節目《調教你MIRROR》最新一集講到隊中兩位年紀最細成員，邱傲然（Tiger）同姜濤原來平時冇太多交流，亦好少傾偈，化妝嘅時候仲意外將佢哋缺點放大？
導師梁祖堯（阿祖）安排二人去一間唱片店用英文同店主溝通，推銷MIRROR大碟，期間唱出《One And All》副歌，二人被讚聲線不俗，最後成功將大碟放係唱片店入面。之後12子上咗一堂「心理化妝課」，化妝師Julie會幫佢哋將面部最討厭嘅地方或者缺點無限放大。
盧瀚霆（Anson Lo）話唔鐘意鬚根，柳應廷（Jer）最難搞嘅係暗瘡印同雀斑，陳卓賢（Ian）強調自己黑眼圈嚴重了許多，姜濤則自覺眼睛經常欠神采等。
阿祖表示想透過呢一堂，要佢哋面對同接受缺點，Anson Lo除咗透過化妝被加深鬚根外，更掀起額前瀏海，而見到Anson 額前面目後，阿祖大讚有型。節目尾聲頒發「幕後投選反差最大大獎」，Ian成功擊敗Alton（王智德）同姜濤，成為「幕後投選最大反差大獎」得主。
圖片來源：ViuTV、MIRROR@Facebook
