鄭欣宜（Joyce）今晚舉行尾場紅館演唱會，吸引大批歌手到場支持，包括Aga、Collar、張敬軒等。
Joyce唱《小夜燈》時透露自己面對失眠問題已經一段很長時間，她說：「由初初好忟憎，到慢慢習慣共存，因為每個人都不是完美的。」說罷Joyce忍不住眼濕濕，又談及自己的愛情觀，「自己受傷時冇乜人鼓勵，覺得自己係愛情失敗者，鄭欣宜係咪唔值得被愛？不過，我仍然相信愛情，我搵緊佢同時可能佢都搵緊我呢？」之後唱出未發表作品《仍會等》。
今日嘉賓是異父異母低能巨孖寶的許廷鏗，他們手拖手合唱《好好戀愛》，台下觀眾大叫「結婚」，Alfred送上黑膠唱片的試版，後面是他們的一張合照，Alfred喊住話：「呢張相係我哋2015年影，當時大家乜都未有，我哋話如果上到紅館一定要有對方喺度，今日我哋終於做到。」
