梁思浩昨晚（30日）代替吳家樂，跟鄧兆尊拍檔主持網台節目《娛樂好好玩》，當中就鄭欣宜因拍攝時出意外受傷送院，宣布退賽內地綜對節目《歌手2025》，思浩爆料現時欣宜由陳淑芬兒子陳家豪負責照顧。
陳淑芬老公陳柳泉是娛樂公司老闆，陳太作為「金牌經理」，曾在她旗下的張國榮、梅艷芳、張學友等，粒粒都是巨星，也曾與肥姐沈殿霞共事，二人情如姊妹，肥姐在臨終前將欣宜交陳淑芬照顧，故思浩指陳家豪在父母支持下如何照顧欣宜，加上家豪與欣宜自小一同成長，他對家豪好有信心，亦很欣賞對方的工作態度。
正如思浩之前曾在節目表示，欣宜性格跟肥姐相似的地方，都是對愛情有一份執著，但現已變得成熟，及一直盛讚欣宜自小就有唱歌跳舞天賦。對欣宜重新出發，思浩說：「你見到欣宜依家成熟咗好多嘅，同埋佢明知道自己點樣去做好，所以佢頭頭做《歌手2025》我好開心，因為佢真係可以發揮到舞台。佢好特別，佢似一個人，上台前可能會有好多情緒上嘅問題，只要俾佢行上個台佢就忘形！你見佢瘦好多啦，幾OK幾靚𠻹，同埋有一種…有段時間我覺得冇嘅，佢依家有一種光芒。」思浩指欣宜會好快出返嚟，後補歌手可以再補：「以陳淑芬同埋佢哋嘅關係，佢好快會後補返出嚟。因為欣宜經歷咗好多，到尾佢都選擇返陳淑芬同埋佢個仔。」
思浩又提到外界總喜歡把星二代跟他們的父母作對比，身旁的兆尊坦言會有壓力，他以父親新馬師曾成就太高，根本難以超越，所以他沒想過要超越，只要維持做好自己，保到父親的英名已足夠。兆尊又指身邊的人幫忙太多會有反效果，條路行得太順一跌就徬徨，但他笑言自己細跌到大，所以會好一點。
