楊思琦作客ViuTV節目《晚吹－怨女俱樂部》，繼爆料指當年台慶綵排期間意外倒地入ICU留醫，TVB不准她公開真實情況後，新一集就爆當年帶住初生女兒Krystal回港，原本打算帶住女兒見傳媒的她，上機前收到公司指示，會安排她一個人受訪，令她很無奈。
楊思琦當日抵港時由無綫高層樂易玲和曾醒明陪同現身受訪，她表示︰「應該係小朋友一齊出嚟，開開心心，抱住小朋友係好開心嘅事，變咗成件事好似唔見得光咁﹗明明係光明正大，變成靜雞雞、偷偷摸摸，又要運走我個女，唔知點呀，仲要搞到我個女10幾個鐘冇嘢食﹗啲奶粉喺我度，我又未返得去，總之就搞到佢冇嘢食，餓親我個女。」
強調從沒說過想隱瞞的楊思琦，當年回港後成為狗仔隊追訪對象，她指當時有人就提議「出嚟影你買奶粉啦」。她說︰「我覺得好搞笑喎，我使唔使俾你影我買奶粉呀？我話唔好意思，我喺美國已經買咗足夠要用嘅奶粉，唔使買奶粉喇，你真係諗錯算盤。冇俾人影到我買奶粉，因為已經準備好。」
談及感情事，楊思琦表示當時被指背棄別人、貪錢。她說︰「『S加兩棟』（金錢），咁我唔揀所有對象，我揀個孭住個礦嗰啲啦，真係好Funny，唔需要咁樣講我。每個人面對你嘅戀愛或者你嘅婚姻，未必一定走到去最尾，結婚都有離婚啦！你初戀同邊個，有冇依家一齊呀？個個都唔係第一個就成功，唔好再講我啦！」
